Fyresdal Kommune

Ledige stillingar

svanaug.valseth@fyresdal.kommune.no (Svånaug Dyrland Valseth) — Thu, 02 Feb 2012 13:40:03 GMT

Meld frå om du ser gaupespor

svanaug.valseth@fyresdal.kommune.no (Svånaug Dyrland Valseth) — Thu, 02 Feb 2012 13:39:48 GMT

Meir informasjon om klagebehandling og nytt vedtak finn du her.

Jakt på gaupe krev grunneigars tillating, og jakta i Fyresdal er difor organisert i eige jaktlag. Det er kun jegarar som står på varslingslista som har lov å jakte gaupe i kommunen, om dei då ikkje har direkte løyve frå grunneigaren.

For at vi skal lykkast med jakta er det viktig med raske meldingar om ein ser gaupespor. Og det er betre å seie i frå ei gong for mykje enn ei for lite! Ikkje vent med å melde frå – her er minutta viktige. Ved observasjon av gaupespor, meld frå til:

Kjell Sverre Thoresen – mobil 979 72 570
Halvor Solberg – mobil 415 77 406

Utfyllande informasjon frå Fylkesmannen og Rovviltnemnda finn du her

Elles er det verdt å merke seg eit utdrag av enkelte viktige reglar for jakt på gaupe i henhald til viltloven m/ forskrifter:

Jakttid
Jakttid på gaupe er 01.02. – 31.03. Ved fylt kvote kan jakta stansas tidligare. Gaupejakt er ordinær jakt og er difor underlagt ordinære jaktbestemmelsar i medhald av viltlova. Dette innebærer blant ana at ein må ha tillatelse fra jaktrettshavar/grunneigar for å kunne utøve jakt.

Krav til aldersgrense, våpen og skyteprøve
Gaupe er definert som storvilt, og aldersgrensa for å jakte gaupe er dirfor 18 år.
Det er tillatt å jakte gaupe både med haglegevær og rifle. Det er ikkje tillatt å nytte halvautomatisk rifle med meir enn 2 skot i magasinet og eit skot i kammeret. Når jakta utøves med rifle er det bare tillatt å nytte ammunisjon med ekspanderande prosjektil (blyspiss, holspiss o.l.), og som har ein anslagsenergi på minst 980 joule (100 kgm) på 100 meter. Jegerar som ynskjer å nytte rifle ved gaupejakt må ha bestått skjoteprøve for storvilt samme jaktår (jaktåret varar frå 01. april til 31. mars, så skjoteprøva frå i haust er gyldig).

Bruk av hund og fangstredskap
Det er lov å nytte laus på drevet halsande hund til jakt på gaupe. Til fangst av gaupe krevst etter søknad årlig løyve frå Fylkesmannen for den enkelte bås. Båsens konstruksjon, plassering og tilsynshyppighet skal framgå av søknaden.

Ettersøk og kontroll
Den som påskyt gaupe utan å felle, pliktar utan opphald å underrette Fylkesmannen, kommunen og næraste politimyndigheit, og ved skadeskyting gjere det ein kan for å avlive dyret snarast mogleg. Jeger
og jaktlag som har delteke ved skadeskytinga, skal utan godtgjering bistå viltmyndigheit eller politi i det vidare ettersøk. En kvar som utøver jakt og fangst pliktar å la seg kontrollere av politi eller Statens naturoppsyn, og ved forlangande påvise skot- eller fangststad.

Utvida opningstider på Kafé Teisner

svanaug.valseth@fyresdal.kommune.no (Svånaug Dyrland Valseth) — Tue, 31 Jan 2012 11:06:18 GMT

Fleire tusen stadnamn i Fyresdal tilgjengelege på nett

svanaug.valseth@fyresdal.kommune.no (Svånaug Dyrland Valseth) — Mon, 30 Jan 2012 09:38:56 GMT

Snippen, Snippehagjen, Austaddassen, Magasinreine, Svænskeveita, Spøkeristeinen… og over 7.000 fleir…

For nokre år tilbake hadde Fyresdal kommune eit prosjekt med innsamling av lokale stadnamn. Prosjektet var initiert av kulturkontoret og det var Synnøve Nedrebø som i all hovudsak jobba med prosjektet. Det var breitt lagt opp, med mellom anna intervju av dei eldre i grendene og stor hjelp frå grendelaga. Det er gamle stadnamn på badeplassar, bakkar, beite, øyar, støylar, myrer, nutar, åkrar osb. Dette er eit svært verdifullt materiale, som vi på kulturkontoret no vil gjere tilgjengeleg for fleire. Vi har difor, i samarbeid med Einar Mikkelsen på avdeling for plan og teknikk, jobba for å få lagt dette over på kart på kommunen sin heimeside.

Slik gjer du:

Stå på Fyresdal kommune sin heimeside: www.fyresdal.kommune.no
Trykk på Kart
Vel eit utsnitt av område til vil sjå på, t.d. Hauggrend målestokk ca 1:10 000
Trykk på Grunnkart til venstre i menyen, vel så Kulturminne

OBS: du må ha mindre målestokk enn 1:100 000, 1:10 000 er stort sett greitt. Er du i eit område med mange stadnamn, t.d. Folkestadbyen, kan det vere OK å gå heilt ned til 1:2500. Så er det bare å prøve seg fram, hugs at dersom du har for stor målestokk, får du ikkje fram stadnamna.

Alle stadnamna er kartfesta, men dette arbeidet er ikkje gjort med GPS, så ein må take høgde for nokre feil her og der. Ser de tydelege feil, tak gjerne kontakt med Hilde på kulturkontoret.

Så håpar vi mange får glede av kartet med gamle stadnamn.. Takk til Synnøve Nedrebø som har gjort registreringsarbeidet, og Einar Mikkelsen, som hjelpte med kartjobben.

Kulturkontoret

Link til nyheit i Vest-Telemark Blad

Brystcup 28. januar

gunn.tone.noraberg@fyresdal.kommune.no (Gunn Tone Noraberg) — Mon, 30 Jan 2012 07:05:00 GMT

Fyresdal IL svømmegruppa arrangerer BRYSTCUP i Fyresdal svømmehall lørdag 28. januar. Vi har invitert nabokretsene til stevnet og har så langt 60 påmeldte.

Vi oppfordrer så mange som mulig å komme på stevnet for å heie og for å bli litt mer kjent med svømmesporten. Stevner starter med første øvelse kl 13.00. Det vil være salg av kake, vafler, pølser med mer.

Velkommen til en spennende dag i svømmehallen!

Fyresdal IL svømmegruppa

Ope næringsmøte i Fyresdal

svanaug.valseth@fyresdal.kommune.no (Svånaug Dyrland Valseth) — Thu, 26 Jan 2012 08:13:31 GMT

Når og kvar:
Onsdag 25. januar 2012 kl. 19.00 i kantina på Gimle skule.

Målgruppe:
Alle som driv næring – produksjon, service, handel, jordbruk, skogbruk.

Hovudtema:
Innovasjon/nyskaping i distriktet.

Vi får besøk av direktør Bård Stranheim i Innovasjon Norge, Telemark, og fylkesordførar Terje Riis-Johansen. Dei vil snakke om desse tema:

Bård Stranheim: "Innovasjon Norge: Kva vil vi, kva kan vi vere med på – og kva kan vi ikkje vere med på?"
Terje Riis-Johansen: "Utvikling og innovasjon i stadbunden næring – moglegheiter i distriktskommunane. Kan vi gjere tradisjonelle næringar utradisjonelle?"

Det blir høve til spørsmål og diskusjon etter innlegga.

Velkomen!

Nye heimesider via Vest-Telemark Næringsutvikling AS

svanaug.valseth@fyresdal.kommune.no (Svånaug Dyrland Valseth) — Thu, 19 Jan 2012 07:45:22 GMT

Positiv respons frå statsråden

svanaug.valseth@fyresdal.kommune.no (Svånaug Dyrland Valseth) — Mon, 16 Jan 2012 12:46:17 GMT

Mange flotte prestasjonar i skiskyttarsporet

svanaug.valseth@fyresdal.kommune.no (Svånaug Dyrland Valseth) — Mon, 16 Jan 2012 12:22:14 GMT

Helga 7.-8. januar gjekk Kvalfoss-sprinten av stabelen i Holmenkollen;

Even Nordbø, Fyresdal SSL, gjekk til topps samanlagt i klasse gutar 16 år, etter 2. pl på sprinten laurdag og 1. pl på normal på sundag. Ein flott innsats i eit renn der skiskytterar frå heile landet deltek. I Even si klasse var det 99 startande.

Helga 14.-15. januar var det Norges Cup på Simostranda;

Bendik Aketun gjekk heilt til topps på supersprinten på laurdag i klassa menn 19 år.
Sundag gjekk det litt tyngre i sporet på sprinten der han blei nr. 10.

Sundag 15. januar var det renn på Veum med om lag 80 løperar frå heile Telemark.

Fyresdal SSL hadde med 18 løperar, derav 6 nybyrjerar som gjekk sitt fyrste løp. Desse løperane frå FSSL gjekk heilt til topps i sine klasser:

Jenter 11år Vilde Aamlid
Gutar 12 år Einar Sigvart Kvasjord
Gutar 13 år Sigurd Aas Levang
Gutar 15 år Torjus Fossli
Gutar 16 år Even Nordbø

Resultat Statkraft Cup 15. januar

Folkehelseinstituttet publiserar folkehelseprofilar for kommunane

svanaug.valseth@fyresdal.kommune.no (Svånaug Dyrland Valseth) — Thu, 12 Jan 2012 14:21:36 GMT