I sommarsesongen finn du Fyresdal turistinformasjon i Folkestadgata 3, i same lokalet som Sporten Fyresdal og Kafé Hvelvet. Utanom sommarsesongen er det Fyresdal kommune og sentralbordet vårt i Fyresdal Næringshage som fungerer som turistkontor. Du vil likevel få både hjelp og brosjyrer dersom du stikk innom Sporten Fyresdal utanom sesong.

På turistinformasjonen får du gode råd og hjelp til det meste; kjøp av fiskekort og informasjon om kor fisken bit, kor du finn det husværet du er ute etter, råd og tips om kva som er verdt å sjå på og å gjere, hjelp til å legge opp rundturar, i tillegg til brosjyrer og anna skriftleg materiell om bygda, Vestfold og Telemark, Vestlandet, Sørlandet og Austlandet.

Folkestadbyen, som blir kalla "by'n" på folkemunne, er spesiell i Vest-Telemark og er ei lita perle med små butikkar og idylliske hus og hagar. Dei gamle husa er skilta, og på kvart hus kan ein lese kor gamalt huset er, kor det kom frå, kven som budde her og kva for yrke dei hadde. 

For informasjon om mat, drikke, overnatting, Hamaren og Tretoppvegen sjå “Relaterte artiklar” litt lenger ned.

Tretoppvegen i Hamaren
Tretoppvegen i Hamaren