Ny pris til Tretoppvegen

Tretoppvegen har på nytt vunne ein høgthengande internasjonal pris for inkludarende design.

International Design Award, arrangert av International Association for Universal Design (IAUD), går av stabelen i dag 28.02.2025, og då vil Tretoppvegen bli tildelt «International Design Gold Award 2024». Prisen er veldig gjæv – den blir berre overgått av «Grand Award», som Hamaren Aktivitetspark fekk tildelt i 2022.

Det er 36 deltakarar frå 9 forskjellige land med i konkurransen denne gongen. Prisutdelinga har hovudsete i Japan, men føregår på Zoom.

IAUD International Design Award er ei årleg prisutdeling der universell utforming står i høgsetet. Les meir om IAUD International Design Award 2024 på IAUD si nettside Lenke til et annet nettsted, åpnes i nytt vindu..

Prisen som blir tildelt Tretoppvegen i dag går til EFFEKT arkitekter i København, Høgde/Faun for idé og prosjektleiing og Fyresdal kommune som byggherre.

Ordførar Erik Skjervagen uttaler:

Vi er utruleg glade for og stolte over alle prisane Hamaren og Tretoppvegen får. Både parken med universelt utforma turvegar og Tretoppvegen er ein stor suksess med mange besøkande.