Vil du selje produkta dine i lokalbua til sommaren? Kom på infomøte 24. mars

Lokalbua i 2024 blei ein suksess, og Fyresdal kommune ynskjer å legge til rette for at det blir ei lokalbu også i 2025!

Høgde AS er engasjert av Fyresdal kommune for å starte organiseringa, og inviterer til eit informasjonsmøte i Fyresdal Næringshage måndag 24. mars kl. 17.00–18.30.

Nytt av året:

Evalueringa frå 2024 viste at det er behov for ein koordinator blant aktørane som har varer i bua. På møtet vil vi difor diskutere dette og prøve å finne ein eller to personar til rolla som lokalbukoordinator.

Formålet med møtet:

✅Gje ei kort innføring til nye aktørar som vurderer å bli med
✅Avklare kven som ynskjer å bli med
✅Diskutere koordinatorrolla

Konseptet blir som i fjor – dei som deltek med varer i lokalbua, må ta vakter i butikken og bidra til organiseringa.

Har du lokalmat, handverk, kunst, strikkaplagg, knivar, trearbeid eller andre unike produkt? Då vil vi gjerne ha deg med!

Påmelding til møtet:

Ta kontakt med Birgith Reinskås Lunden i Høgde på sms eller e-post: 90 74 84 18 / birgith@hoegde.no.

Ta kontakt om du ynskjer å bli med i organiseringa, men ikkje kan delta på møtet.

Tips gjerne andre produsentar i Fyresdal – vi håpar å sjå deg på møtet!