Løypemelding om datasenter - meld deg på til informasjonsmøte 27. mai

Endeleg kan vi dele nyheita om at det er tatt eit stort steg i prosessen rundt ei potensiell utbygging av eit datasenter på Molandsmoen.

Velkomen til informasjonsmøte på Fyresdal kulturhus 27. mai kl. 19.00.

Innbyggarar med bustadsadresse i Fyresdal kommune vil bli prioriterte, alle andre vil bli sett på venteliste. Vi understrekar at det gjenstår fleire avklaringar før endeleg investeringsbeslutning kan bli fatta og spaden settast i jorda.

Agenda

• Velkomen
  ved Styrk Fjærtoft, konferansier for kvelden
• Null vekst – full drift?
  ved Ulf Pedersen, kommunedirektør i Fyresdal kommune
  – Velferd i ei ny demografisk tid
• Skyer, straum og smarte maskiner
  ved Bjørn Rønning, dagleg leiar i Norsk Datasenterindustri
  – Oversikt og utvikling ved Datasenterforeningen
• Datasenter: Frå prat til prosjekt
  ved Erik Skjervagen, ordførar i Fyresdal kommune
  – Bakgrunn, status, samarbeidspartnarar og vegen vidare
• Kart, kablar og klargjering
  ved Halvor Homme, kommunalsjef plan og teknikk i Fyresdal kommune
  – Presentasjon av reguleringsplan og visuelle skisser av det planlagde området
• Noko å varme seg på
  ved Olav A. Veum, dagleg leiar i Myldr Energipark
  – Om bruk av overskotsvarme
• Kva no, Fyresdal?
  ved Gerd Straume, næringssjef i Fyresdal kommune
  – Lokale og regionale ringverknader
• Spørsmål og dialog
  – Opent for deltaking frå publikum

Påmelding skjer via denne lenka:

https://forms.office.com/e/mGruP9HYq9 Lenke til et annet nettsted, åpnes i nytt vindu.

Dersom du ikkje får det til via lenka, kan du kontakte Fyresdal kommune på 35 06 71 00.

OBS! Påmeldingsfrist 25. mai!

Viktig informasjon om påmeldinga:

• Du må melde deg på via Forms-lenka over - du blir ikkje meldt på dersom du berre trykker "Skal" på arrangementet på Facebook.
• Meld på éin person om gongen.
• Unngå å registrere deg fleire gonger.
• Når du melder deg på, tek du opp ein sitjeplass, så ver nøye med at registreringa di er korrekt.