Ny makspris i barnehagen frå august 2025

Stortinget har vedtatt ein betydeleg reduksjon i maksprisen for barnehageplass frå 1. august 2025. Dette er ein del av regjeringas satsing på å gjere barnehagar meir tilgjengelege og økonomisk overkommelege for alle familiar.

Den nye maksprisen er på kr 1 200,- i dei dei fleste kommunar, men Fyresdal kommune er ifylgje SSB sin sentralitetsindeks i sentralitetssone 6 (dvs. "dei minst sentrale kommunane"). Dette inneber at maksprisen i Fyresdal kommune vil vere på kr 700,- frå 1. august 2025.

Maksprisen gjeld både offentlege og private barnehagar. Foreldre skal ikkje betale meir enn maksprisen for ein barnehageplass, men barnehagen kan krevje betaling for kost (matpengar).