Skulestart og plass i barnehage og SFO

Søknadsfristen for plass i barnehage og SFO er 15. mars. Innskriving i skulen skjer også innan 15. mars.

Barnehageplass 2026/2027

Nytt barnehageår startar måndag 17. august 2026.

Barn som allereie har plass, beheld denne til skulestart eller til dei eventuelt søker om endring eller seier opp plassen.

Søknad om barnehageplass skal sendast via Visma Føresettportal, anten det gjeld ny plass, endring av plasstype eller oppseiing.

Tildeling av plass skjer i tråd med vedtektene for Fyresdal barnehage.

Innskriving i skulen 2026/2027

Nytt skuleår startar måndag 17. august 2026.

Alle barn får automatisk plass i grunnskulen det året dei fyller seks år.

Nye 1. klasseelevar blir inviterte til innskrivingsdagen gjennom eige brev. Innskriving i skulen skjer innan 15. mars.

Etter at barnet er innskriven i skulen, får føresette tilgang til Visma Føresettportal, der dei kan søke om SFO-plass.

Skulefritidsordning 2026/2027

Nytt skuleår startar måndag 17. august 2026.

Søknad om SFO-plass skal sendast via Visma Føresettportal, anten det gjeld ny plass, endring av plasstype eller oppseiing. Elevar som allereie har plass, beheld denne til dei byrjar i 5. klasse.

Plass i skulefritidsordninga blir tildelt i samsvar med forskrifta for Fyresdal skulefritidsordning.