Lege og legevakt

Legevakta skal tilby hjelp til det som ikkje kan vente når fastlegekontoret ditt er stengt. Legevakta skal også hjelpe deg når du ikkje er i nærleiken av fastlegen din, til dømes dersom du er på ferie eller reise. Dersom du trur det er akutt og står om liv, ringer du medisinsk nødhjelp 113.

Døme på tilstandar der det kan vere fornuftig å ta kontakt med legevakta:

• Høg feber – særleg hos barn
• Moderate pustevanskar
• Akutt sjukdom eller alvorleg forverring
• Slapt og medtatt barn eller vaksen
• Alvorleg psykisk sjukdom
• Mistanke om komplikasjonar i svangerskap
• Kuttskader som må syast
• Mistanke om brudd

Fyresdal kommune innførte i 2023 ein ny arbeidstidsmodell kalla Nordsjøturnus for å sikre stabilitet og kontinuitet i legetenesta. Modellen inneber at tre legar deler på ei fastlegeliste og jobbar to veker på og fire av.

Sidan det er slik at berre ein lege kan stå som eigar av ei fastlegeliste hos Helfo, er det Bastian Gundersen som er registrert som fastlege, sjølv om alle tre Nordsjølegane har ansvaret. Pasientar med kroniske sjukdomar vil så langt som mogleg få oppfølging av same lege kvar gong.

Nordsjølegane er på jobb som fylgjer:

Oktober 2025

• 24. september-7. oktober: Joakim Bergh
• 8.-21. oktober: Lena Edvardsen Jerstad
• 22. oktober-4. november: Bastian Gundersen

November 2025

• 5.-18. november: Joakim Bergh
• 19. november-2. desember: Lena Edvardsen Jerstad

Desember 2025

• 3.-16. desember: Bastian Gundersen
• 17.-30. desember: Joakim Bergh
  

Pasientar som har behov for konsultasjon med fastlege, må gjere avtale om time. Det er ikkje mogleg for fastlegen å gjere ei vurdering per telefon.

Det kan vere hensiktsmessig for pasientar som har fastlege i Fyresdal, men som oppheld seg andre stadar i landet, å bytte til ein fastlege i nærleiken av der ein bur. Dette er særleg viktig for studentar i samband med nye reglar rundt fråvær.

Du må ha fastlege i Fyresdal kommune for å kunne tinge time for konsultasjon. Skulle du ikkje ha fastlege her, men likevel ha behov for akutt hjelp, vil du sjølvsagt få det.

Legen ringer tilbake i løpet av arbeidsdagen, eventuelt neste dag. Ver tilgjengeleg ved telefonen.

NB. Sjukemeldingar, forlenging av sjukemeldingar og diverse henvisningar krev legetime, dette kan ikkje avtalast på telefon.

Ver merksam på at sjukepleiar ikkje kan ta blodprøver utan at pasient har vore til lege fyrst. Unntaka er faste kontrollar som er avtalt med lege, eller dersom pasient har med seg ferdig utfylt blodprøveskjema frå t.d. sjukehus.

Det kan ikkje takast blodprøver torsdag ettermiddag eller fredag på grunn av postgangen.

Elektronisk resept:

E-reseptar er elektroniske reseptar som fungerer på nøyaktig same måte som ein tradisjonell papirresept, dvs. at ein kan bruke dei for å hente ut reseptbelagte legemiddel frå apotek.

E-reseptordninga er landsdekkande, så du kan hente ut e-resepten din kor som helst i Noreg. Hugs å ta med legitimasjon.

Dersom du skal hente for ein annan person, treng du i tillegg fullmakt og kopi av legitimasjonen til personen du skal hente for.

Fornying av resept:

Du som pasient kan sjølv logge deg inn på helsenorge.no Lenke til et annet nettsted, åpnes i nytt vindu. og be om fornying av resept på dine faste legemiddel, medisinsk utstyr og anna som blir foreskrive på resept.

Resepttjenesten Lenke til et annet nettsted, åpnes i nytt vindu. på Helsenorge gjev god oversikt over kva reseptar du har og om det er meir att på resepten din.​

Sjekk først!

Sjekk alltid med apoteket om du har att medisin på resept før du ringer legekontoret for å bestille nye.

Ver ute i god tid:

Det er lurt å bestille medisin i god tid før du treng den. Dette er både grunna kapasiteten til legane og sjukepleiarane på Fyresdal helsehus og at apoteket i mange tilfelle må bestille medisinen frå ekstern leverandør.

Hente på Spar eller Joker?

Dersom du ynskjer å hente medisinen din på Spar eller Joker - sei ifrå ved bestilling.