Psykisk helse og rus

Målet med tenestene er å bidra til å fremme sjølvstende og styrke evna til å meistre eige liv, samt å bidra til å bryte/motverke isolasjon og inaktivitet. Tilboda gjeld deg som har psykiske vanskar eller lidingar, og/eller rusrelaterte vanskar. Pårørande til personar med psykiske lidingar og/eller rusrelaterte vanskar kan og få tilbod om støttesamtaler.

Tenesta omfattar mellom anna:

• Støttesamtaler, rettleiing og oppfølging i forhold til eigen livssituasjon.
• Heimebesøk/miljøarbeid.
• Samarbeid med andre aktuelle instansar som t.d. fastlege, Nav, Kvito og spesialisthelsetenesta.
• Rettleiing og tilrettelegging rundt busituasjonen.
• Støtte og hjelp i forhold til arbeid og daglege aktivitetar.
• Aktivitet i grupper kan bli aktuellt ut i frå behovet i brukargruppa.

Desse tilboda er vedtaksbasera. Dette tyder at du må søke om teneste. Tilbod blir så langt som råd tilrettelagt etter brukarane sine ynskje om aktivitetar innanfor dei rammene vi har. Tenesta er gratis.

• Send søknad om pleie- og omsorgstenester via det elektroniske søknadsskjemaet du finn nedst på sida
• Be lege eller spesialisthelsetenesta (t.d. sjukehus eller psykolog) om å formidle kontakt for deg.
• Ring direkte til Gustav på 90 22 42 68. Ved akutt behov for hjelp på kveld, helg og høgtid, må legevakt kontaktast på telefon 116 117.
• Etter oppmodinga blir det gjort ei vurdering, vanlegvis ei samtale med kartlegging, deretter vert ein einige om eventuelle tiltak.

Kaféen er open kvar måndag kl. 10.00-14.00. Her møtast vi for ein hyggeleg prat. Vi fokuserer på trivsel, livskvalitet, samvær og meistring. Velkomen!

Måndagskaféen er eit lågterskeltilbod. Tilbodet er ope for alle!