Simulering Telemark søkjer ein engasjert prosjektleiar som vil vere med på å vidareutvikle eit spennande samarbeid innan helse og beredskap i Telemark.

Simulering Telemark er eit samarbeid mellom Akutt- og Beredskapsklinikken (ABK) ved Sykehuset Telemark (STHF) og kommunane Seljord, Kviteseid, Vinje, Tokke, Fyresdal, Nissedal, Tinn, Hjartdal og Midt-Telemark.

Gjennom simulering og ferdigheitstrening arbeider prosjektet for å styrkje kompetansen i kommunehelsetenesta og fremje godt samarbeid mellom prehospitale tenester og kommunale helsetenester.

Prosjektet starta i 2023 og skal gjennom 2027 førebu overgangen til ordinær drift frå 2028. No søkjer vi ein person som kan ta arbeidet vidare og bidra til å utvikle Simulering Telemark.

Arbeidsoppgåver

• Overordna ansvar for drift av simuleringssenteret og koordinering av ulike simuleringsaktiviteter for samarbeidspartane.

• Arrangere og gjennomføre fasilitatorsamlingar og felles undervisning for tilsette.

• Bidra i planlegging og gjennomføring av samtreningsøvingar mellom ulike tenester.

• Vidareutvikling av vår nettside og promotering på sosiale media.

• Sjå moglegheiter for vidareutvikling og breidding av simulering som metode til fleire fagområde og sektorar.

• Orientering til Simulering Telemark si styringsgruppe.

• Politisk forankring av arbeidet.

• Ansvar for berekraftig økonomi.

Kvalifikasjonskrav

• Autorisasjon som sjukepleier, ambulansearbeidar eller paramedic – gjerne med erfaring frå ulike tenesteområde.

• Brennande fagleg engasjement og ynskje om å bidra til fagleg utvikling gjennom simulering og ferdigheitstrening.

• Gode koordinerande eigenskapar og evne til å sjå mogelegheiter framfor begrensingar.

• Praktisk erfaring med simulering.

• Gjerne praktisk erfaring som fasilitator og HLR instruktør.

• Sjølvstendig arbeidskapasitet samstundes som du er ein god lagspelar.

• Førarkort kl. B.

Vi tilbyr

• Fleksibel arbeidstid.

• Løn etter avtale.

• Spennande og varierte arbeidsoppgåver i eit miljø under utvikling.

• Tett samarbeid med engasjerte ressurspersonar hos samarbeidspartar.

• Bli del av – og bygge vidare på eit spennande simuleringsnettverk i Telemark!

• Pensjon via KLP/SPK

• IA-bedrift

Tilsettingsform:
Engasjement ut 2027 med mogelegheit for fast tilsetting etter politisk godkjenning.

Søk på stillinga her.Lenke til et annet nettsted. Lenke til et annet nettsted.

Oppstart avtales med aktuell(e) kandidat(er).

Søknadsfrist: 22.11.26.

Ved spørsmål om stillinga kan du ta kontakt med:

Prosjektleder Marianne Tråer. Tlf.: 47 61 43 09. E-post: marianne.traaer@seljord.kommune.no

Kommunalsjef Helse, Seljord kommune Janne Merete Larsen. Tlf.: 48 29 74 33. E- post: janne.larsen@seljord.kommune.no