Parker i Fyresdal sentrum. Turen startar ved informasjonstavla i Folkestadgata ved Øyskogen. Gå vegen opp Skippergata der du svingar slakt til høgre ved enden av vegen og fylgjer vegen mot Lie. Etter fyrste svingen ved informasjonstavla tek du til høgre inn i skogen og fylgjer stigen fram til krysset ved Åsberg. Ruta går vidare langs tømmerslepe og stig. Mot toppen må ein passere Solemskar for å gå siste etappe. Der er det flott utsyn i alle retningar. Ved foten av den store reflektoren finn ein kassa med bok. 

Ned att kan vi gå same stigen som vi kom opp, eller vi kan fylgje siste delen som er skogsbilveg og vidare grendeveg ned mot Folkestadbyen. Hugs å skrive namnet ditt i boka.

Lengde og terreng:

  • Total lengde: 8 km
  • Stigning: 480 m
  • Terreng: Bratt, middels
  • Gangtid: 3 timar

Sjå ut.no for kart