TV-aksjonen NRK 2023 finn stad søndag 22. oktober og går til Redd Barnas arbeid for å hjelpe barn som er ramma av krig og konflikt. 

Saman kan vi gi 100 000 barn moglegheit til å leike, lære og leve i fred. Kvart sjette barn i verda veks opp i krig og konflikt, og det har aldri vore så mange barn på flukt som nå. Redd Barna er til stades der barna treng det, og bidrar til at barn, og dei som stiller opp for dei, får hjelpa dei treng. 

Årets TV-aksjon går til tiltak som gjer familiane, skulane og nærmiljøa tryggare for barn. Midlane fordelast mellom prosjekt i Sør-Sudan, Syria, Bangladesh, Ukraina, Den demokratiske republikken Kongo og Noreg. I Noreg skal vi hjelpe barn som har flykta frå krig og konflikt. 

TV-aksjonen støttar FNs berekraftsmål, og kan dermed spele ei naturleg rolle i deira berekraftsarbeid. 

TV-aksjonen som tradisjon er sterkt knytt til målet om «Samarbeid for å nå målene» (17). Alt vi oppnår med TV-aksjonen får vi til fordi blant anna fylkeskommunar, kommunar, næringsliv, skular og frivillige jobbar saman. 

Ved å bidra til årets TV-aksjon bidrar de til arbeidet med berekraftsmåla, blant anna «God helse og livskvalitet» (3), «God utdanning» (4) og «Mindre ulikhet» (10).

Ta vel imot bøsseberarane søndag 22. oktober!